Арал теңізі аймағының экологиясы мен қоршаған ортасын кешенді ғылыми зерттеу бойынша халықаралық экспедиция

Экспедицияға Ботаника және фитоинтродукция институтының, У.У. Успанов атындағы Қазақ топырақтану және агрохимия ғылыми-зерттеу институтының, Қытай ғылым академиясының Синьцзян экология және география институтының және басқа да ұйымдардың қызметкерлері қатысты.
Біздің институт атынан Өсімдік дүниесінің кадастры зертханасының меңгерушісі, PhD – Осмонали Б.Б. қатысты.
Экспедицияның алдында келесі міндеттер қойылды:
- Арал маңы экожүйелерінің жағдайына далалық зерттеулер жүргізу;
- Аймақтың топырақтық, өсімдік жамылғысы мен климаттық ерекшеліктерін зерттеу;
- Жердің деградациясы мен биоалуантүрліліктің өзгеру процестерін талдауға арналған материалдар жинау;
- Табиғи ресурстарды ұтымды пайдалану бойынша ұсыныстар әзірлеу.
Экспедицияның негізгі нәтижелері:
- Арал маңының негізгі аумақтары бойынша маршруттық-экологиялық шолу жүргізілді;
- Әр түрлі экотоптарда топырақтық және геоботаникалық сипаттамалар жасалды;
- Арал теңізінің тартылуымен байланысты өсімдік жамылғысының өзгерістері тіркелді;
- Бірлескен ғылыми жобалар мен жарияланымдар шеңберінде ынтымақтастықтың әрі қарайғы бағыттары айқындалды.
Жиналған материалдар бірлескен есептерді, ғылыми жарияланымдарды және Арал маңының экологиялық жағдайын жақсарту жөніндегі ұсынымдарды дайындау үшін пайдаланылатын болады.
Экспедицияға қатысу халықаралық ынтымақтастықты нығайтуға және экология мен қоршаған ортаны қорғау саласындағы тәжірибе алмасуға ықпал етті.