2025 жылдың 20-26 сәуірі аралығында Алматы қаласындағы Бас Ботаникалық бақ аумағында «Ұлы Жібек жолының бақтары – бау-бақша және егіншілік дәстүрлерінің, өсімдіктер мен дақылдардың тоғысуы – өткеннің мұрасы және қазіргі заманғы сын-қатерлер» атты II Халықаралық ғылыми-тәжірибелік семинар өтеді. Толығырақ...
Семинарды ұйымдастырушылар: ҚР ЭТРМ ОШЖДК «Ботаника және фитоинтродукция институты» ШЖҚ РМК, Еуразия ботаникалық бақтары қауымдастығы, Тверь мемлекеттік университетінің ботаникалық бағы.
Семинар бағдарламасына ғылыми баяндамалар, жұмыс кездесулері, Алматы облысының тау бөктерлері мен таулы аймақтарындағы көктемгі гүлді сирек және эндемикалық өсімдіктер түрлерінің бірегей табиғи бірлестіктерін зерттеу бойынша экспедициялық сапарлар, Таңбалы петроглифтері мұражайына, Сиверс алма орманының резервіне бару және т.б. кіреді.
Семинардың бірінші күні, 21 сәуірде «Ұлы Жібек жолындағы өсімдіктер мен бақтар» презентация сессиясы өтті. Семинарға қатысушыларды Ботаника және фитоинтродукция институтының бас директоры, б.ғ.д., профессор Гүлнар Тоқбергенқызы Ситпаева құттықтау сөз сөйледі.
Келесі баяндамашылар баяндама жасады: Наумцев Ю.В. – Тверь мемлекеттік университетінің ботаникалық бағының директоры, Меркер В.В. – Челябі мемлекеттік университетінің ботаникалық бағының директоры, Ткаченко К.Г. – тұқымтану зертханасының меңгерушісі Комаров атындағы ботаникалық институтының Петр Бірінші ботаникалық бағы, Муқан Г.С. – Жанғалиев атындағы жеміс өсімдіктерінің генофондын қорғау және интродукциялау зертханасының меңгерушісі, Цицилин А.Н. – «Бүкілресейлік дәрілік және хош иісті өсімдіктердің ғылыми-зерттеу институты», Оразымбетова Б.К. – экскурсиялық гид-әдіскер, ЮНЕСКО-ның материалдық емес мәдени мұра жөніндегі ұлттық комиссиясының мүшесі, Иманбаева А.А. – Маңғышлақ ботаникалық бағының бас директоры.
Бірінші күннің соңында «Наурыз мейрамы» аясында қазақ халқының мәдени мұрасының тұсаукесері, Бас Ботаникалық бақ топтамаларына, Сиверс алма ағашының коллекциялық қорына экскурсия, Сиверс алма ағашының клондарынан алма сидрі дәмін тату болды.
Алдымызда семинардың тағы төрт қарбалас күні бар. Барлық қатысушыларға жемісті еңбек тілейміз!
