22 сәуірде «Ұлы Жібек жолының бақтары – бау-бақша және егіншілік дәстүрлерінің, өсімдіктер мен дақылдардың тоғысуы – өткеннің мұрасы және қазіргі заман талабы» атты экспедициялық сапарларымен ІІ Халықаралық ғылыми-тәжірибелік семинар аясында «Өсімдіктерді сақтаудың жаһандық стратегиясы (GSPC) 2030 – өсімдіктер әлемінің тұрақтылығын сақтауға арналған заманауи «Нұх кемесі» сессиясы өтті. Толығырақ...
Келесі баяндамашылар баяндама жасады: Наумцев Ю.В. – Тверь мемлекеттік университетінің ботаникалық бағының директоры, Еуразияның ботаникалық бақтары қауымдастығының бас хатшысы, Ситпаева Г.Т. – «Ботаника және фитоинтродукция институтының» бас директоры, Ямбуров М.С. - Томск мемлекеттік университетінің Сібір ботаникалық бағының директоры, Воробьева А.Н. – Ресей Ғылым академиясы Қиыр Шығыс филиалының Ботаникалық бақ-институтының Амур филиалының интродукция зертханасының меңгерушісі, Жилин О.В. – Ресей Ғылым академиясы Қиыр Шығыс филиалының Ботаникалық бақ-институты Амур филиалының директоры, Прокопьев А.С. – Томск мемлекеттік университетінің Сібір ботаникалық бағының аға ғылыми қызметкері, Войцеховская А.А. – Томск мемлекеттік университетінің Сібір ботаникалық бағының экскурсиялық бюросының жетекшісі, Үсен Қ. – Ботаника және фитоинтродукция институты геоботаника зертханасының жетекші ғылыми қызметкері, Кукуричкин Г.М. – Сургут мемлекеттік университетінің ботаникалық бағының ғылыми жетекшісі, Ачимова А.А. – Таулы Алтай ботаникалық бағының директоры.
Ең жас қатысушы Жезқазған қаласындағы 26 гимназияның 8б сынып оқушысы Нашенова Шадияр пияз туралы зерттеу жұмысын ұсынды.
23-25 сәуір аралығында семинарға қатысушылар экспедиция сапарларына шығып, олар Қазақстанның жабайы флорасымен танысып, экспедиция барысында ғылыми талқылауларды жалғастыра алады.
Еске салайық, семинарды ұйымдастырушылар: ҚР ЭТРМ ОШЖДК «Ботаника және фитоинтродукция институты» ШЖҚ РМК, Еуразия ботаникалық бақтары қауымдастығы, Тверь мемлекеттік университетінің ботаникалық бағы.
