20 мамыр – Дүниежүзілік аралар күні. Бұл экологиялық мереке жер шарындағы аралардың маңыздылығына, оларға төнетін қауіптерге және олардың жойылу проблемасына назар аударуға арналған. Толығырақ…
Бірегей микроклиматы мен табиғи және әлемдік флораның түрлі алуан түрлілігінің арқасында Бас ботаникалық бақ аралардың сүйікті мекені болып табылады. Біз бұл кішкентай еңбекқор жәндіктерді жақсы көреміз және бағалаймыз. Өйткені, ботаникалық бақтың басты мақсаты – өсімдіктер әлемінің биоалуантүрлілігін сақтау – бізге аралар көмектеседі.
Ара күнін мерекелеу аясында дүние жүзінде түрлі ақпараттық-түсіндіру шаралары өткізілуде. Біздің ботаникалық бақ та шет қалмады. 19 мамырда «Сүю үшін білу» білім беру жобасы аясында біз Ара күніне арналған интерактивті ойын экскурсиясы мен шеберлік сабағынан тұратын мектеп оқушылары үшін арнайы бағдарлама дайындадық. «Ара өмірі» экскурсиясы барысында балалар жәндіктердің өсімдіктер тіршілігіндегі рөлі, олардың бірлескен эволюциясы, тозаңдандыратын жәндіктер және араларға не қауіп төндіретінін, оларды қалай қорғау керектігін және қалай көмектесу керектігін білді. Ал ботаникалық бақпен серуендегеннен кейін шеберлік сабағы өтті, оның барысында мектеп оқушылары ара пішініндегі сүйкімді брошь жасады.
