Актриса Динара Бақтыбаева ботаникалық бақ туралы

06 декабря 2021,

Осыдан бір-екі жыл бұрын актриса Динара Бақтыбаева тұрмысқа шығып, Алматыдан Атырауға қоныс аударған болатын. Сонымен бірге ол оңтүстік астанаға келген сайын Бас Ботаникалық баққа бару дәстүрін бастады. Не үшін? Бұл туралы бізге актрисаның өзі айтып берді: Толығырақ…

«Мен ботаникалық баққа оны қайта жөндеуден бұрын да жиі баратынмын. Біз достарыммен осында кездесулер, фотосессиялар ұйымдастыруды ұнататынбыз, жылыжайда бір-екі рет түсірілім жасадық. Ботаникалық бақ туралы менің естеліктерім ерекше. Алматыға келген соң осы жерге баруға, отбасым мен достарымды осында әкелуге тырысамын. Күйеуіме, одан бұрын енеме ботаникалық бақты көрсеттім. Мен әрқашан Алматыға баратын әрбір адамға ботаникалық бақты серуендеуге кеңес беремін.

Маған бұл жерде тыныштық, барлық ағаштар мен өсімдіктердің жіті бақылауда және қорғауда болғаны ұнайды. Басқа саябақтардағыдай ойын-сауық орындарының жоқтығына қуанамын.
Шабыт алғыңыз келсе, демалғыңыз келсе, ботаникалық баққа барыңыз. Өйткені, ол соншалықты оңаша, байсалды және әдемі, әсіресе күзде! Маған қайта құрудан кейін пайда болған балықтар мен аққулар бар тоған ұнады. Американдық фильмдердегі саябақтарды еске түсіретін өте әдемі жер.

Әрине, Атырауда осындай орын ашылғанын қалаймын. Өйткені көгалдандыруда проблемалар бар. Егер осындай саябақ немесе бақ пайда болса, ол қала тұрғындары мен қонақтары үшін ең танымал орындардың біріне айналар еді. Бұл атыраулықтар үшін үлкен сыйлық болар еді».

   

Жіберілімге жазылыңыз