3-9 тамыз аралығында Ботаника және фитоинтродукция институты ғалымдарының Алматы облысының Ұйғыр, Кеген және Панфилов әкімшілік аймақтарына экспедициялық сапары өтті. Толығырақ…
Экспедиция BR10264557 «Ресурстық әлеуетті тиімді басқарудың ғылыми негізі ретінде Алматы облысының флора және өсімдік ресурстарының қазіргі экологиялық жағдайын кадастрлық бағалау» бағдарламасы аясында жүзеге асырылды. Экспедицияға дендрология зертханасының қызметкерлері Абдухадыр А., Масалова В.А., Эпиктетов В.Г., Зверев Н.Е. зертхана меңгерушісі жетекшілігімен қатысты. Зерттеудің мақсаты - ағаш өсімдіктерінің бөтен түрлерін анықтау және олардың агрессивтілігін бағалау. Зерттеулер Кетмен, Теріскей Алатауы жоталарының шатқалдарында, Көкпек, Кеген асуларында, Іле өзенінің жоғарғы ағысында жүргізілді. Экспедиция барысында тұқым қорын толықтыру үшін ағаштар мен бұталардың 22 үлгісі алынды. Қызыл кітапқа енген өсімдіктердің (Betula jarmolenkoana Golosk., Berberis iliensis Popov, Ribes janczewskii Pojark., Populus pruinosa Schrenk (тұқымдар жиналған), Armeniaca vulgaris Lam., Fraxinus sogdiana Bunge) кездесетін популяцияларының координаттары жазылды. Табиғи қауымдастықтарда агрессивтілігі жоғары Ulmus pumila L. инвазиялық түрі мекендейтін орындар анықталды.
