2023 жылдың аяғында ботаника және фитоинтродукция институтында бірнеше жыл бойы біздің ғалымдардың жұмысының нәтижесі болған бірнеше маңызды ғылыми еңбектер жарық көрді. Солардың бірі біз жақында жазған Қазақстанның табиғи флорасы тұқымдарының алғашқы атласы болды. Ал бүгін біз өсімдік ресурстары зертханасының қызметкерлері жұмыс істеген басылым туралы айтатын боламыз. Зертхана меңгерушісі - биология ғылымдарының докторы Гемеджиева Надежда Геннадьевна. Толығырақ…
2021 жылдан 2023 жылға дейін өсімдік ресурстары зертханасының қызметкерлері BR10264557 «Ресурстық әлеуетті тиімді басқарудың ғылыми негізі ретінде Алматы облысының флорасы мен өсімдік ресурстарының қазіргі экологиялық жағдайын кадастрлық» ғылыми-техникалық бағдарламасын іске асыруға белсенді қатысты. Зерттеу қорытындысы бойынша 2023 жылдың қараша айында біздің ғалымдар «Алматы облысының шаруашылық құнды өсімдіктердің ресурстық түрлерінің кадастры» шығарды.
Осы басылым Алматы облысының аумағында өсімдіктердің шаруашылық құнды түрлерінің түрлік құрамын, таралуын және ресурстық әлеуетін бастапқы кадастрлық зерттеудің қорытындысы болып табылады. Анықталған шаруашылық құнды өсімдіктердің 33 түрінің, оның ішінде ҚР фармацевтика өнеркәсібінде сұранысқа ие дәрілік өсімдіктердің 18 түрінің ресурстық сипаттамасы бойынша зерттеу нәтижелері келтірілген. Өсімдік ресурстарын тұрақты мониторингтеу, тұрақты пайдалану, сақтау, молайту, өңірдің табиғатты қорғау қызметін болжау үшін, ғылыми негіз болатын, анықталған түрлердің шикізат базасы мен кәсіпшілік нуларының орналасқан жерлерінің картасына заманауи баға берілді. Әрбір ресурстық түрге атаулары (латын, қазақ, орыс), тұқымдастығы (латын тілінде), фотосуреттері, жағдайы (сирек, эндемикалық, ресми түрде танылған дәрілік немесе халық медицинасында қолданылады), қысқаша ботаникалық сипаттамасы, Қазақстанның флористикалық аудандары бойынша таралуы, экологиялық орайластырылуы, шикізаты, химиялық құрамы, қолданылуы, пайдалы қасиеттер, қорлары, шикізатты пайдалану және дайындау бойынша ұсыныстар, әкімшілік аудандардың аумағында кәсіптік нулардың орналасқан жері карталарда және шикізатты жыл сайын дайындау мүмкіндігі, пайдаланылған дереккөздердің тізімі келтірілген. Басылым ғылыми қызметкерлерге, оқытушыларға, докторанттарға, магистранттарға, осы сала бойынша студенттерге, аудандық, облыстық және республикалық деңгейдегі табиғатты қорғау мекемелерінде жұмыс істейтін мамандарға және табиғат қорын әлеуетті пайдаланушыларға нұсқаулық бола алады.
Осы ғылыми еңбекті шығару үшін үлкен жұмыс атқарылды. Бұл өсімдік ресурстары зертханасы қызметкерлерінің жұмысының бір бөлігі ғана, біз олардың қызметі туралы келесі басылымдарда жазамыз.
