Бас Ботаникалық бақ Алматы тұрғындары мен қонақтарының сүйікті демалыс орны болып қалуы үшін біз өсімдіктерге күтім жасау жұмыстарын жүргізіп қана қоймай, аумақтың тазалығын қамтамасыз етеміз. Жыл сайын келушілер көбейіп, сәйкесінше қонақтарымыздың қалдыратын қоқыс көлемі де артып келеді. Толығырақ…
Ботаникалық бақтың тазалығын қамтамасыз ету үшін Ботаника және фитоинтродукция институты мердігерді жалдайды және шартқа сәйкес клининг қызметі аумақты келушілердің қауіпсіз және кедергісіз қозғалуына қолайлы күйде ұстауға, жолдарды, тротуарлар мен кіреберіс топтарды, арық жүйесін уақтылы тазалауға, қыста қоқыс пен қарды жинауға, шығаруға жауапты.
Тазалық қызметкерлерінің жұмыс күні сағат 7:00-де басталып, 20:00-де аяқталады. Бақ ашылмай тұрып-ақ сыпырушылар тротуарлар мен жолдарды сыпырады, бақша шаңсорғышымен жапырақтарды үрлейді, жылы мезгілде олар тоғандар мен арық жүйесін жапырақтардан, бұтақтардан және қоқыстан тазартады, қыста қарды тазартады, бүкіл аумақта және қоқыс жәшіктердегі қоқыстарды жинайды. Күніне 3-тен 6 м³-ге дейін қалдықтар шығарылады. Ботаникалық бақта 250 орындық бар, олар да үнемі жуылады, сонымен қатар қоқыс жәшіктері, ақпараттық панельдер, маңдайшалар, шамдар, су бұрқақтары жуылады.
Бұл ретте, ботаникалық бақ ашылар алдында кіреберіс павильондардағы техникалық персонал үй-жайларды дымқыл тазалау жұмыстарын жүргізеді, оның ішінде еден жуу, барлық беттердегі шаңды сүрту, дәретханаларды тазалау кіреді. Олар дәретханаларда сабын мен дәретхана қағазының болуына жауап береді. Күндізгі уақытта павильондарды дымқыл тазалау әр сағат сайын жүргізіледі.
Күн сайын клининг қызметкерлері төгілген сусындар, балмұздақ және т.б. дақтарды кетіру үшін тротуар тақталары мен кофехана аумағын щеткалармен жуады. Егер дақтарды жуу мүмкін болмаса, онда мамандандырылған техника көмекке келеді. Апта сайын және санитарлық күні (айдың әр бірінші дүйсенбісінде) арнайы жуу және тазалау құралдарын пайдалана отырып, барлық ішкі үй-жайларда және бақша аумағында жалпы тазалау жүргізіледі.
Клининг қызметінің тұрақты жұмысына қарамастан, өкінішке орай, келушілер қалдыратын аумақта шашыраңқы бөтелкелерді, майлықтарды, азық-түлік пакеттерін кездестіресіз. Көбінесе бұл демалыс күндері келушілердің үлкен ағыны кезінде, қызметкерлер уақытында тазалауға үлгермеген кезде болады. Әсіресе алыс жолдардағы, шөптердегі және көбінесе ағаштардағы қоқыстарды жылдам анықтау қиын. Тазалық пен тәртіпті қамтамасыз ету үшін үлкен күш пен қаражат қажет. Сондықтан ботаникалық баққа келушілерге үндеу жолдап, тазалықты сақтауға, қоқыс тастамауға, көптің еңбегін құрметтеуге шақырамыз. Тазалаған жері емес, қоқыс тастамайтын жері таза - деп бекер айтпаған. Сондай-ақ кез келген адам ботаникалық баққа ерікті ретінде өз үлесін қосып, көмектесе алады, осымен үшінші жыл бойы бізде ботаникалық бақтың бір топ достары бар, біз оларды аумақты тазалауға да тартамыз.
