2022 жыл Қазақстанның ботаникалық қауымы үшін өте маңызды жыл. 1932 жылы құрылған "Ботаника және фитоинтродукция институты" РМК және Бас Ботаникалық бақ өзінің 90 жылдығын атап өтуде. Толығырақ…
Осы уақыт ішінде ботаник ғалымдардың бірнеше ұрпағы елде ботаникалық зерттеу бағытын дамыту және негізгі мақсатты - ботаникалық әртүрлілікті сақтау, көбейту және ұтымды пайдалануды жүзеге асыру үшін үлкен ғылыми және ғылыми-ұйымдастырушылық жұмыс жасады. Қазір "Ботаника және фитоинтродукция институты" елдің өсімдіктерді интродукциялау және жерсіндіру саласындағы жетекші мекемесі болып табылады, институт құрамында тоғыз зертхана бар, институттың басқаруында 4 ботаникалық бақ бар. Бас Ботаникалық бақта 103,6 га аумақта 2,5 мыңнан астам тірі өсімдіктер таксоны өседі.
Жыл бойы 90 жылдық мерейтойға орай бізде түрлі іс-шаралар өткізілді. Мерейтойлық жылдың басты іс-шарасы 7-9 қыркүйек аралығында өтетін "Еуразия өсімдік әлемін зерделеу, сақтау және ұтымды пайдалану" халықаралық ғылыми-практикалық конференциясы болады. Конференцияға таяу және алыс шетелдің 12 елінен әлемдік ботаникалық қоғамдастықтың өкілдері, сондай-ақ Қазақстанның 13 қаласынан әріптестер қатысады. Конференцияны өткізу форматы: пленарлық отырыстарға күндізгі және сырттай қатысумен және баяндамалары бар секциялардағы жұмыспен аралас.
Үш күн бойы ботаника және фитоинтродукция институтының ғылыми қызметкерлері мен конференция қонақтары баяндамалар жасайды, ботаникалық зерттеулердің өзекті нәтижелерін, олардың практикалық қолданылуын сынақтан өткізу мүмкіндігін талқылауға, Қазақстан мен шектес аумақтар ботаникасының проблемаларын шешуге ғылыми жұртшылықты тартуға қатысады. Бізді өте қызықты және жемісті күндер күтіп тұрғанына сенімдіміз!
Конференцияны өткізу барысын біздің әлеуметтік желілердегі парақшаларымыздан бақылай аласыз.
