Достар, ботаникалық бақта ашық аспан астындағы музыкалық кештер маусымының ашылуымен бірге «Ботаника және фитоинтродукция институты» ШЖҚ РМК ғылыми қызметкерлерінің ғылыми-көпшілік дәрістерінің топтамасын бастау туралы хабарлаймыз. Толығырақ…
Бұл лекциялар алматылықтар мен қала қонақтарының көңілінен шықты. Ботаниктерден қолжетімді тілде қызықты ақпаратты тағы қайдан естуге болады. Былтырғыдай лекциялар музыкалық кештер басталар алдында сахнада өтеді.
4 мамыр күні сағат 16:30-да баршаңызды геоботаника зертханасының қызметкері Александр Владимирович Дубыниннің «Жетісудың биоәртүрлілігі» жобасы туралы айтатын лекциясын тыңдауға шақырамыз. Қазақстанда алғаш рет ғылыми еріктілер мен мамандардың бірлескен күш-жігерімен жабайы табиғатты зерттеу мен сақтауға арналған жоба қолға алынуда. Дәріс барысында сіз iNaturalist платформасымен жұмыс істеудің ерекшеліктері, азаматтық ғылым жобалары, ғылыми волонтерлік, конкурсқа қатысу шарттары туралы білетін боласыз.
5 мамыр күні сағат 16:30-да «Қазақстан - қызғалдақтардың отаны» тақырыбында дәріс өтеді. Табиғатымыздың нағыз байлығы – жабайы өсетін қызғалдақ туралы ашық алқаптағы гүл және сәндік өсімдіктер зертханасының меңгерушісі Сатеков Ескендір Яковлевич айтып береді. Барлық дерлік мәдени түрлердің ата-бабаларына айналған қазақ қызғалдақтары болды. Сіз қызғалдақтың барлық алуан түрін, олардың қайсысы сирек және жойылып бара жатқанын, Қазақстанның Қызыл кітабына қанша түрі енгізілгенін және жабайы қызғалдақтарды неліктен ешқашан теруге болмайтынын біле аласыз.
Дәріске ботаникалық бақтың кіру билеттерімен бара аласыз. Дәрістерден кейін 4 және 5 мамырда сағат 18:00-де ашық аспан астында классикалық музыканың жанды концерттері болады.
Өтетін орны: Үйеңкі аллеясы сахнасы.
