Біздің Альпинарийдің нағыз әшекейі - Марьин тамыры деген атпен танымал Шұғылық. Ашық күлгін және қызғылт гүлдер жасыл ойылған жапырақтарға өте әсерлі көрінеді. Толығырақ…
Өсімдік қаншалықты әдемі болса да, сирек кездеседі. Шұғылық Қазақстанның Қызыл кітабына енгізілген.
Шұғылық (лат. Paeónia anómala) – пион тұқымдасының көп жылдық шөптесін өсімдіктердің бір түрі. Бұл өсімдікті Ерекше пион, Ретсіз пион, Марьин тамыр пионы деп те атайды. Түр Қазақстанда, Ресейде, Моңғолияда және Қытайда таралған.
Шұғылықтың өте үлкен тамырсабақтары бар. Кескенде тамыры ақ, дәмі тәтті, сынған кезде қатты иіс шығарады. Өсімдіктің биіктігі шамамен 1 м болатын ойық сабақтары бар, жапырақтары үлкен, ұзын жапырақшасында бірнеше ою бар. Әрбір сабақта орта есеппен бес жапырақ және бір ғана гүл болады. Гүлдері күлгін және қызғылт түсті, жалғыз, диаметрі шамамен 10 см.
Сәндік қасиеттерінен басқа, шұғылықты емдік қасиеттері үшін бағаланады. Бұл өсімдіктің тамыры халықтық медицинада ежелден бері табиғи қабынуға қарсы, спазмолитикалық және ауырсынуды басатын, буын ауруларына, асқазан-ішек ауруларына тиімді, улануларға қарсы дәрі ретінде қолданылған. Сонымен қатар, шұғылықтың тамырларының отвары керемет тыныштандыратын әсерге ие. Ұйқысыздық, неврастения, астма, эпилепсия, бас ауруы, вегетативтік-тамырлық дистония үшін ұсынылады.
