Бүгін "Ботаника және фитоинтродукция институты" РМК бас директоры, ҚазҰЖҒА академигі, 2008 жылдан бері институтты басқарып келе жатқан б.ғ.д. Ситпаева Гүлнара Тоқбергенқызы өзінің туған күнін атап өтуде. Толығырақ…
Осы жылдар ішінде институтта Қазақстанның өсімдік әлемін зерделеу, сақтау, тиімді пайдалану және молықтыру бойынша ғылыми-зерттеу жұмыстары жүргізілуде. Бүгінгі күні институт құрылымына 4 мемлекеттік ботаникалық бақ кіреді, институт базасында 9 зертхана және Гербарий (АА), тірі өсімдіктер коллекциялары, сондай-ақ Қазақстанның табиғи флорасының Тұқымдық банкі ұсынылған коллекциялық қор жұмыс істейді.
2018 жылдан бастап 2022 жылға дейін институт қызметкерлері бағдарламалық-нысаналы қаржыландыру бойынша 3 ірі мемлекеттік ғылыми-техникалық бағдарламаны, гранттық қаржыландыру бойынша 7 ғылыми жобаны, 3 халықаралық жобаны орындады, 200-ден астам ғылыми жұмыс жарияланды.
Өсімдіктерді сақтаудың жаһандық стратегиясы мен мемлекеттік ғылыми-техникалық бағдарламаларды іске асыру шеңберінде Қазақстанда алғаш рет "Ботаника және фитоинтродукция институтына" қазіргі заманғы жабдықтармен және қажетті аспаптармен жабдықталған Қазақстанның табиғи флорасы өсімдіктерінің мамандандырылған Тұқымдық банкі құрылды. Бүгінгі таңда институттың Тұқымдық банкіне жабайы өсімдіктер тұқымдарының 4000-нан астам үлгісі сақтауға қойылды.
Қазіргі кезеңде институт АҚ "География және су қауіпсіздігі институты", "У. У. Успанов атындағы Қазақ топырақтану және агрохимия ҒЗИ" ЖШС-мен бірлесіп жұмыс жасауда.", сондай-ақ "Terra Exploration" ЖШС ресурстық әлеуетті тиімді басқарудың ғылыми негізі ретінде "Алматы облысының флорасы мен өсімдіктерінің қазіргі заманғы экологиялық жай-күйін кадастрлық бағалау" ірі ғылыми-техникалық бағдарламасын іске асырады.
Институт ғылыми-зерттеу жұмыстарын тек бюджеттік тақырыптар бойынша ғана емес, сонымен қатар ҒЗЖ-ның едәуір көлемін облыстық табиғат пайдалану басқармаларының, басқа да ерекше қорғалатын табиғи аумақтардың, жеке ұйымдардың тапсырысы бойынша орындады. Соңғы 5 жылда 33 шаруашылық келісімшарт жобалары орындалды.
Соңғы бірнеше жылда институт ұжымы айтарлықтай жасарып кетті. Қазір "Ботаника және фитоинтродукция институтында" 51 жас қызметкер (35 жасқа дейін) жұмыс істейді. 2019 жылы жас қызметкерлер Қазақстанның жас ғалымдары үшін ғылыми жобаларды гранттық қаржыландыру конкурсына 6 жоба ұсынды.
Біздің Институттың жетістіктерін халықаралық ғылыми қауымдастық жақында өткен ғылыми-практикалық конференцияда жоғары бағалады. Конференция қонақтары бұл жетістік институт басшысы Гүлнар Тоқбергенқызы Ситпаеваға байланысты екенін атап өтті. 2022 жылғы 7 қыркүйекте ҚР Ұлттық Ғылым Академиясының президенті М.Ж. Жұрынов ҚР Ғылым Академиясының жиналысында Г. Т. Ситпаева бірауыздан ҚР Ғылым академиясының құрметті мүшесі болып сайланғанын жариялады.
Бүгін біз Гүлнәр Тоқбергенқызын туған күнімен және лайықты атағымен құттықтағымыз келеді! Сізге зор денсаулық, жаңа идеялар мен жоспарларды іске асыру, зор ынта, ғылыми жетістіктер мен өркендеу тілейміз! Табыс әрқашан сіздің жағыңызда болсын және кез-келген іс оң нәтижеге ие болсын!
