Ботаника және фитоинтродукция институтының, Бас Ботаникалық бақ пен оның филиалдары: Астана, Жезқазған және Іле ботаникалық бақтарының ұжымы Бас директор, ҚазҰАЕН академигі, Қазақстан Республикасы Ұлттық ғылым академиясының Құрметті академигі, б.ғ.д Ситпаева Гүлнар Тоқбергенқызын туған күнімен құттықтайды! Толығырақ…
Гүлнар Тоқбергенқызы Ботаника және фитоинтродукция институтында 28 жыл еңбек етіп, оның 15 жылы бас директор қызметін атқарды.
Институтта 9 ғылыми зертхана, дүние жүзінің тірі өсімдіктері мен Қазақстанның табиғи флорасының үлкен коллекциялық қоры, Гербарий (АА) (жоғары тамырлы өсімдіктер, саңырауқұлақтар мен балдырлар), Тұқым қоры бар.
Гүлнар Тоқбергенқызы институт басшылығын ғылыми қызметпен ұштастыруда, экспедицияларға шығуды жалғастырып, далалық материалдарды жинауға және өңдеуге қатысады. 200-ден астам ғылыми мақалалары жарық көрді. Магистрлік және кандидаттық диссертациялардың жетекшісі ретінде ғылыми кадрларды дайындайды.
Гүлнар Тоқбергенқызы – Ұлттық университеттердің Мемлекеттік аттестаттау комиссияларының төрағасы, Қазақстанда кандидаттық диссертацияларды және Қырғызстанда ғылым кандидаты ғылыми дәрежесін алу үшін диссертацияларды қорғау жөніндегі диссертациялық кеңестердің мүшесі.
Гүлнар Тоқбергенқызы өз төңірегіне қамқор, адал қызметкерлер ұжымын біріктіре білді. Ол өзінің сарқылмас күшімен, оптимизмімен және еңбекқорлығымен ұжымға қуат береді.
Гүлнар Тоқбергенқызын шын жүректен құттықтаймыз! Сізге зор денсаулық, бақыт, өркендеу, жаңа жеңістер мен табысты жобалар тілейміз! Барлық армандарыңыз орындалып, отбасыңыз бен достарыңыз әрқашанда жаңынызда болсын!
