Бүгін Қазақстанда Орман шаруашылығы қызметкерлері күні аталып өтуде – бұл еліміздің орман ресурстарын сақтау, қалпына келтіру және ұтымды пайдалану ісіне өзін арнаған жандардың кәсіби мерекесі. Бұл маңызды іске ғылыми және табиғатты қорғау ұйымдары да өз үлесін қосуда, солардың ішінде Ботаника және фитоинтродукция институтының қарамағындағы Бас ботаникалық бақтың орны ерекше. Толығырақ...
Бас Ботаникалық бақ қалалық саябақ емес, табиғатты қорғау және ғылыми ұйым мәртебесі бар республикалық маңызы бар ерекше қорғалатын табиғи аумақ болып табылады. Ботаникалық бақ аясында Ботаника және фитоинтродукция институтының ғалымдары өсімдіктер әлемін, оның ішінде сирек кездесетін және жойылып бара жатқан өсімдіктер түрлерін сақтау, қорғау, көбейту және пайдалану бойынша зерттеулер жүргізеді.
Алматыдағы бақтың тарихы 1932 жылдан басталады. Ботаникалық бақтың қазіргі келбеті ботаниктердің көп жылғы еңбегінің жемісі.
Қазіргі уақытта коллекциялық қорда қазақстандық және әлемдік флораны білдіретін жоғары сатыдағы өсімдіктердің 4000-нан астам таксоны бар.
Аумағы 103,6 га аумақта 5 дендрологиялық экспозиция (Еуропа, Қырым, Кавказ; Сібір және Қиыр Шығыс; Солтүстік Америка; Қазақстан; Шығыс Азия), 6 коллекциялық аумақ (жаңғақ ағаштары; альпинарий; сирингарий, дәрілік өсімдіктер, шырмалғыш өсімдіктер, жабайы жеміс өсімдіктері) және бір тақырыптық - жапон бағы бар.
Альпинарий коллекциялық аймағында сирек және эндемикалық гүлді және сәндік өсімдіктер ұсынылған.
Ботаникалық бақ Сиверс алма ағашының бірегей гендік қорын сақтайды. Ол тау жемісті ормандарының табиғи популяцияларынан таңдалған 170-тен астам сортты қамтиды. Эспедициялық зерттеулердің арқасында жинақ үнемі кеңейіп келеді. Сиверс алма ағаштары Қазақстанның Қызыл кітабына енгізілген және Халықаралық табиғатты қорғау одағының қорғауында.
2013 жылы Ботаника және фитоинтродукция институтында Қазақстанның табиғи флорасының Тұқым банкі құрылды, онда 5773 тұқым үлгісі сақталуда.
Өсімдіктер әлеміне ұқыпты қарау, ғылыми дәлдік пен өз ісіне деген терең берілгендік — Ботаника және фитоинтродукция институтының қарамағындағы Бас ботаникалық бақ жұмысының негізінде жатқан қағидалар.
Бүгін біз табиғатты қорғау ісінде қызмет етіп жүрген барлық жандарды — орманшылардан бастап, ғалымдар мен табиғатты қорғау ұйымдарының мамандарына дейін — кәсіби мерекелерімен шын 6жүректен құттықтаймыз.
Орман шаруашылығы қызметкерлері күнімен!
Сіздердің еңбектеріңіз жемісті болсын, әрбір күніңіз тірі табиғатты сақтау мен дамыту жолында жаңа мүмкіндіктерге толы болсын.
Сіздерге зор денсаулық, кәсіби табыстар мен осы игі істеріңізде шабыт тілейміз!
