Бүгін Ботаника және фитоинтродукция институтының Жоғары сатыдағы өсімдіктер флорасы зертханасының жетекші ғылыми қызметкері, биология ғылымдарының кандидаты Михаил Петрович Данилов өзінің мерейлі 75 жасын атап өтуде. Толығырақ...
Михаил Петрович флористика және ботаникалық география саласындағы жоғары білікті маман болып табылады, Қазақстан флорасының сирек кездесетін және реликт түрлерін зерттеуге ерекше көңіл бөледі. Оның авторлығымен 40-тан астам ғылыми еңбек, оның ішінде 7 ұжымдық монография жарияланған.
Михаил Петрович Ақтөбе (1996), Оңтүстік Қазақстан (2002), Маңғыстау (2006), Қызылорда (2013) облыстарының Өсімдіктер кадастрлары мен Қызыл кітаптарын дайындауға қатысқан. Бірқатар халықаралық ғылыми конференциялардың жұмысына және Институттың ғылыми-техникалық бағдарламаларын орындауға қатысқан.
М.П. Данилов «Боралдайтау және оған іргелес Сырдария Қаратауы аумағындағы сирек, эндемик және жойылып кету қаупі төнген өсімдік түрлерінің қазіргі жағдайы» атты гранттық жобаның (2015–2017 жж.) негізгі орындаушыларының бірі болды.
Қазіргі уақытта «Өсімдік дүниесі туралы» Қазақстан Республикасы Заңының міндеттерін жүзеге асыру аясында өңірдің ботаникалық ресурстарын орнықты пайдалану мақсатында «Ұлытау облысының Өсімдіктер кадастрын жасау» бағдарламалық-нысаналы қаржыландыру жобасының (2024–2026 жж.) орындаушысы болып табылады.
2005 жылдан бастап бүгінгі күнге дейін республикалық мәртебеге ие және ТМД елдеріндегі ең ірі гербарийлердің бірі саналатын Ботаника және фитоинтродукция институты гербарийінің электрондық деректер базасын құру жұмыстарымен айналысып келеді.
Михаил Петровичтің ғылыми қызығушылықтарының аясы кең. Ол Қазақстанның тамырлы өсімдіктер флорасының, сондай-ақ Сібір, Қазақстан және Орта Азияның ботаникалық географиясының жетекші білгірлерінің бірі болып табылады. Өзінің мол тәжірибесін жас қызметкерлерге үйретіп келеді.
Құрметті Михаил Петрович!
Ботаника және фитоинтродукция институтының ұжымы Сізді мерейлі 75 жасқа толуыңызбен шын жүректен құттықтайды!
Кез келген мәселені жан-жақты білуден және терең талдай білуден көрінетін Сіздің интеллектуалдық әлеуетіңіз бізді таңғалдырып, жаңа ғылыми жетістіктерге шабыттандырады әрі әлі де сарқылған жоқ. Біз Сізбен бір ұжымда қатар еңбек етіп жүргенімізді мақтан тұтамыз.
Сізге зор денсаулық, бақытты да ұзақ ғұмыр, шығармашылық көңіл-күй, туған-туыстарыңыз бен жақындарыңыздың сүйіспеншілігі мен қамқорлығын тілейміз.
