Ботаника және фитоинтродукция институтының ұжымы Құрманқұлова Толқын Әденқызын мерейтойымен шын жүректен құттықтайды! Толығырақ...
Толқын Әденқызы Тараз мемлекеттік университетін тәмамдағаннан кейін Жамбыл облысы бойынша Салық департаментінде еңбек етіп, маманнан бас маманға дейінгі кәсіби жолдан өтті және мемлекеттік қызмет саласында мол тәжірибе жинақтады.
2013 жылдан бастап Толқын Әденқызы Ботаника және фитоинтродукция институтында жемісті еңбек етіп келеді. Кадрлар бөлімін басқара отырып, Институттағы кадр жұмысының дамуына елеулі үлес қосты.
2025 жылдан бастап Құқықтық қамтамасыз ету, кадр жұмысы және мемлекеттік сатып алулар басқармасының бас маманы қызметін атқарып келеді.
Толқын Әденқызы — өз ісін жетік меңгерген, білікті, жауапты әрі тәжірибелі маман. Оның кәсіби тәжірибесі ғалымдармен және ғылыми қызметкерлермен еңбек қатынастарын тиімді ұйымдастыруға, кадрлық құжаттаманы сауатты жүргізуге және кадр мәселелерінің кең ауқымын кәсіби деңгейде шешуге мүмкіндік береді.
Құрметті Толқын Әденқызы!
Сіздің көп жылғы еңбегіңіз бен Институт қызметіне қосқан үлесіңізді жоғары бағалай отырып, сізге және отбасыңызға зор денсаулық, еңбекте толағай табыс, белсенді әрі ұзақ ғұмыр, барлық жоспарларыңыздың жүзеге асуын, отбасыңызға амандық, бақ-береке және ұзақ та бақытты ғұмыр тілейміз!
