Осы жексенбі, 18 қыркүйек күні сүйікті шуақты қала Алматы өзінің туған күнін атап өтуде. Бас Ботаникалық бақ Алматының көрікті жерлерінің бірі, алматылықтардың бірнеше ұрпағы үшін сүйікті демалыс орны болғаны бізді қатты қуантады. Толығырақ…
Мереке құрметіне қала бойынша көптеген іс-шаралар жоспарлануда және біз, әрине, шетте тұра алмай, қала күніне мерекелік бағдарлама дайындадық:
16:30 – Бас Ботаникалық бақ сахнасында алғаш рет хор музыкасы орындалады. Сіздер үшін ҚР еңбек сіңірген қайраткері, дирижер, халықаралық байқаулардың лауреаты Ян Рудковскийдің жетекшілігімен «Апрель» әуесқой қайырымдылық хоры өнер көрсетеді. Бұл хорда әр түрлі жастағы, әртүрлі мамандықтағы адамдар ән айтады, бірақ олардың барлығын музыкаға деген сүйіспеншілік біріктіреді. Бағдарламада Шуберт, Моцарт, Рахманиновтың танымал классикалық шығармалары, халық шығармалары, сондай-ақ әрбір алматылықтың жүрегіне жақын әндер орындалады.
17:30 - домбыра оркестрінің өнері. Ботаникалық бақта мұндай көп домбырашы көрмегенсіз! Домбыра – қазақтың ұлттық рухын, мінезін бейнелейтін ерекше музыкалық аспап. Мерекелік бағдарламада қазақтың сүйікті күйлері орындалады.
18:00 – «АРТиШОК» театрынан музыкалық сыйлық – «Песенник» спектаклінің қойылымы. Сіздерді таңғажайып актерлік құрам күтеді: Шыңғыс Капин, Ирена Аравина, Виктория Мұхамеджанова, Анастасия Тарасова, Айсұлу Әзімбаева, Галина Пьянова, Қуантай Әбдімәди, Нұрсұлтан Мұхамеджанов, Айғаным Рамазан, Айғаным Сағынбаева, Сәлім Балғазин, сонымен қатар музыканттар: Евгений Крейнис, Илья Башкатов, Александр Фишер, Меруерт Ғабдуллина.
Әртістермен бірге сіз естеліктер, шай ішу және сүйікті әндеріңізбен отбасылық мерекенің жылы шырайлы атмосферасына шомыласыз. Бұл туған жерге деген сүйіспеншілікке толы, елімізде жазылған әндер. Сіздерді отбасылық жиындар дәстүрін еске түсіріп, осы кешті ботаникалық бақтың әсем табиғаты аясында бізбен бірге өткізуге шақырамыз. Келіңіздер, күлейік, өмірден ләззат алайық, ән салайық!
Өтетін орны: үйеңкі аллеясының сахнасы.
Музыкалық кешке ботаникалық бақтың кіру билеттерімен бара аласыз.
