Достар, 7 және 8 қыркүйекте сіздерді Бас Ботаникалық бақта биылғы ашық аспан астындағы соңғы музыкалық кешке шақырамыз. Толығырақ…
Мамыр-қыркүйек аралығында әр айдың бірінші бейсенбісі мен жұмасы алматылықтар мен қала қонақтары ботаникалық баққа жиналып, әсем табиғат аясында жанды әуен тыңдады. Сахнамызда көрнекті музыканттар, республикалық және халықаралық байқаулардың лауреаттары, Қазақстанның еңбек сіңірген қайраткерлері мен әлемдік деңгейдегі өнерпаздар өнер көрсетті. Соңғы музыкалық кештер де ерекшелік болмайды. Сіздерді 7 қыркүйекке арналған іс-шаралар бағдарламасымен танысуға шақырамыз.
17:00-де «Экожүйелер және биоәртүрлілікті сақтау» ғылыми-көпшілік дәрісін тыңдауға шақырамыз. Ботаника және фитоинтродукция институтының геоботаника зертханасының ғылыми қызметкері Александр Дубынин сізге түрлердің экожүйеде қандай рөл атқаратынын, олардың белсенділігі қалай реттелетінін, табиғатта неге «зиянды» және «пайдалы» түрлер жоқ екенін, неліктен «экожүйелік тәсіл» табиғатты қорғауда және т.б. түсіндіреді. Дәріс қалалық көгалдандыру саласындағы "Жасыл Рейнджер" волонтерлерін оқыту бағдарламасының бөлігі болып табылады. Бұл бағдарлама «Шеврон» компаниясымен серіктестікте жүзеге асырылып жатқан «Tabiğat Labs» жобасы аясында жүзеге асырылуда. Жобаға қатысушылар - Urban Forum Kazakhstan, Fading TSE, YEMAA artist residence, Бас Ботаникалық бақ, Impact Hub Almaty. Жоба серіктесі: Makerspace Almaty.
Сағат 18:00-де ботаникалық бақ сахнасында «Тенорлар шеруі» классикалық камералық концерті өтеді. Сіз әр дәуірдегі композиторлардың жарқын ер дауысы – тенорға арналған танымал арияларын, романстарын және әндерін тыңдайсыз. Концертке Абай атындағы ҚазҰТОБ солистері қатысады– Балуан Беркенов, Фархад Кубиев, Нұрғалым Аманбай, Ислам Хамзаев, сондай-ақ "Меццо" тобының солисі – Жасұлан Сыдықов. Концертмейстер – халықаралық байқаулардың лауреаты - Алияр Өтетілеу.
8 қыркүйекке арналған бағдарламаны келесі басылымнан іздеңіз.
Өтетін орны: Үйеңкі аллеясының сахнасы.
Ботаникалық бақтың кіру билеттерімен шараларға бара аласыз.
