8 қыркүйекте биылғы жылдың соңғы музыкалық кеші өтеді және ол бұрынғы барлық кештерден ерекше болмақ. Әдетте біздің сахнадан классикалық музыканы тыңдауға дағдылансаңыз, бұл жолы біз сіздерге арнайы бағдарлама дайындадық. Толығырақ…
Сағат 19:00-де этно-фьюжн стилінде өнер көрсететін «Khazar» этно тобының концертіне шақырамыз. Сізді қазақтың дала музыкасын заманауи интерпретациясы күтеді. Топ құрамында: Жалғасбек Ілес (соқпалы және фольклорлық аспаптар: шаңқобыз, сыбызғы, дабыл), Алмас Нұғманов (домбыра), Әділбек Мақсұт (домбыра), Аружан Данышпан (вокал, шіңкілдек, домбыра), Ажар Еркебұланова (қыл қобыз, прима қобыз), Тоғжан Дүйсенбекқызы (жетіген, қыл қобыз). Әртістер қазақтың халық әндері мен күйлерін, қазақ композиторларының туындыларын түпнұсқа авторлық өңдеуде орындайды. Толық бағдарламаны карусельден табуға болады.
Бізбен бірге тамаша этникалық музыкаға толы күзгі кешті өткізу үшін ботаникалық баққа келіңіз.
Өтетін орны: Үйеңкі аллеясы сахнасы
Концертке ботаникалық бақтың кіру билеттерімен бара аласыз.
