Ботаника және фитоинтродукция институты мен Алтай ботаникалық бағы арасындағы ғылыми ынтымақтастық бойынша бірлескен Меморандум аясында 2026 жылдың 2–6 наурызы аралығында «Қазақстан өсімдіктерін анатомиялық және гистохимиялық зерттеудің заманауи технологиялары» тақырыбында лекциялық-практикалық оқу семинары өткізілді. Семинарды Өсімдіктер әлемінің кадастры лабораториясының меңгерушісі, PhD Осмонали Б.Б. жүргізді. Толығырақ...
Семинар бағдарламасына теориялық дәрістер мен практикалық сабақтар кірді, олардың мақсаты – өсімдіктерді анатомиялық және гистохимиялық талдаудың заманауи әдістерін меңгеру болды. Оқыту барысында анатомиялық зерттеулер үшін өсімдік материалын дайындаудың негізгі кезеңдері егжей-тегжейлі қаралды: үлгілерді таңдау және бекіту, микропрепараттар дайындау, көлденең кесінділер алу әдістері, сонымен қатар анатомиялық және гистохимиялық құрылымдарды анықтау үшін тіндерді бояу ерекшеліктері.
Арнайы назар гистологиялық жабдықпен жұмысқа аударылды: микротом техникасын қолдана отырып препараттарды дайындау, микроскоптық жабдықпен жұмыс ережелері және анатомиялық құрылымдарды микрофотографиялау әдістері қарастырылды. Семинар қатысушылары алынған микроскоптық суреттерді талдау әдістерін, олардың морфометриялық өңдеуін, анатомиялық белгілерді интерпретациялауды және өсімдіктердің анатомиялық құрылымын ғылыми сипаттау ережелерін де меңгерді.
Семинар қорытындысы бойынша 9 жас маман Алтай ботаникалық бағының ғылыми-практикалық дайындық курсынан өтті. Олар өсімдіктерді анатомиялық және гистохимиялық зерттеудің заманауи әдістемелерін меңгеріп, алынған ғылыми деректерді өңдеу және интерпретациялау дағдыларын игерді.
