Ботаника және фитоинтродукция институты бір жылдан астам уақыт бойы « Жетісудың табиғи мұрасы: сақтау үшін білу» жобасы аясында табиғат жанашырлары мен натуралистер үшін танымдық семинарларды ұйымдастыруға және өткізуге белсенді түрде атсалысуда. Біздің мақсатымыз – iNaturalist платформасын ғылыми мақсатта және табиғатты қорғауда тиімдірек пайдалану. Толығырақ…
24 қаңтарда Ботаника және фитоинтродукция институтында 40-тан астам қатысушылардың басын қосқан «iNaturalist-тің биоәртүрлілікті зерттеу мен сақтаудағы үлесі» атты семинар өтті. Қазақстанның биологиялық институттарының өкілдері де, шақырылған мамандар да баяндама жасады.
Ботаника және фитоинтродукция институтының геоботаника зертханасының ғылыми қызметкері, эколог, табиғатты қорғау биологы Александр Дубынин ғылыми волонтерліктің, атап айтқанда iNaturalist платформасының ботаникалық және зоологиялық зерттеулерге, түрлердің әртүрлілігін қорғауға, сондай-ақ платформаны Қазақстанда пайдалану динамикасына қосқан үлесі туралы айтып берді. Оның айтуынша, өткен жылы Қазақстан аумағынан табиғатты фотобақылау саны 2,3 есеге өскен.
Нина Филиппова, б.ғ.к., миколог, Югорь мемлекеттік университетінің ғылыми қызметкері (Ханты-Мансийск, Ресей) Қазақстан саңырауқұлақтарын сүйетіндердің iNaturalist платформасын пайдалануына егжей-тегжейлі талдау жасады, сондай-ақ натуралистер мен кәсіби микологтар арасындағы ынтымақтастықты кеңейту үшін пайдалы кеңестер берді.
Зоология институтының энтомология зертханасының меңгерушісі Сергей Колов ғылыми мақсаттар үшін омыртқасыздарды суретке түсірудің бірнеше маңызды шарттары мен қызықты жағдайларын сипаттай отырып, жәндіктер туралы ақпарат жинаудың қаншалықты қызықты және қиын екенін көрсетті.
Ақпан айының соңында Қазақстандағы натуралистер қауымы 2023 жылғы «Жетісудың биоәртүрлілігі: осал түрлер, ақ дақтар» байқауының қорытындысын шығарып, 2024 жылы жаңа фотографиялық олжаларға экспедициялар мен саяхаттарды жоспарлап отыр.
Ғаламшардың биоәртүрлілігі туралы жаһандық ақпарат алмасуының бір бөлігі болу үшін сізге тек тілек, iNaturalist платформасында (https://www.inaturalist.org) тіркелу және суретке түсіру құрылғысы қажет. Бізге қосылыңыздар!
