22 сәуірде бүкіл әлемде Жер күні атап өтіледі — бұл табиғатқа ұқыпты қараудың, биоалуантүрлілікті сақтаудың және планетамыздың болашағы үшін ортақ жауапкершіліктің маңызын еске салатын халықаралық экологиялық мереке. Бұл күн әлем бойынша адамдарды қоршаған ортаны таза әрі тұрақты етуге ұмтылуда біріктіреді. Толығырақ...
Жер күніне орай және «Таза Қазақстан» республикалық экологиялық бастамасы аясында Бас Ботаникалық бақта сенбілік өтті. Іс-шараға әл-Фараби атындағы ҚазҰУ-дың математика факультетінің студенттері қатысып, көктемгі тазалық жұмыстарына өз бастамаларымен атсалысты. Абаттандыру және тазалау жұмыстары «Еуропа, Қырым, Кавказ» учаскесінде жүргізілді.
Сенбілікке қатысушылар учаске кураторы Масалова В.А.-ның жетекшілігімен аумақты қыс мезгілінен қалған қоқыстардан, құрғақ бұтақтардан және түскен жапырақтардан тазалады.
Мұндай бастамалар бақ аумағында тазалық пен тәртіпті сақтауға ғана емес, сонымен қатар қоршаған ортаға жауапкершілікпен қарау мәдениетін қалыптастыруға ықпал етеді. Барлық қатысушыларға белсенділігі, бастамашылдығы және табиғатқа деген жанашырлығы үшін алғыс білдіреміз!
