2024 жылдың 4-6 қыркүйегі аралығында Ботаника және фитоинтродукция институтының қызметкерлері Өзбекстанда (Ташкент қ-сы) болды. Толығырақ…
П.В. Веселова, Г.М.Құдабаева, А.Уразалина (жоғарғы өсімдіктер флорасының зертханасы), А.В. Дубынин (геоботаника зертханасы), Л.Ш.Шадманова (молекулалық генетика және өсімдіктер биотехнологиясы зертханасы) «The second International Symposium on the Frontier of Plant Diversity Conservation Research in the Pan-Third Pole Region» халықаралық симпозиумға қатысты. Симпозиумды Өзбекстан Республикасы Ғылым академиясының Ботаника институты ұйымдастырып, әлемнің түкпір-түкпірінен қатысушыларды жинады. Іс-шара ғылыми білім алмасу және ботаника саласындағы өзекті мәселелерді талқылау үшін тамаша алаң болды.
Симпозиум барысында спикерлер өсімдіктердің систематикасы, экологиясы, физиологиясы және генетикасы сияқты кең ауқымды тақырыптарды қамтитын алдыңғы қатарлы зерттеулер кешенін ұсынды. Өсімдіктер әлемінде болып жатқан процестерді тереңірек түсінуге ықпал ететін инновациялық әдістемелер мен жаңа технологиялық жетістіктерге ерекше назар аударылды. Симпозиум ботаника саласындағы білімнің кеңеюіне ғана емес, халықаралық ғылыми ынтымақтастықтың нығаюына да ықпал етті.
Ботаника бойынша келесі симпозиум Қазақстанда өтеді деп жоспарлануда, бұл қазақстандық ғылыми қоғамдастық пен біздің Институт үшін айтулы оқиға болады.
