Қыс бойы Ботаника және фитоинтродукция институтының қызметкерлері мен Жасыл Рейнджер Клубының еріктілері құстарды жүйелі түрде қосымша азықпен қамтамасыз етіп отырды. Толығырақ...
Бұл үшін өткен жылы алматылықтар жинаған жем пайдаланылды. Қысқы қоректендіру фитопатолог Измайлова Мадина Махмутқызының жетекшілігімен жүргізілді және табиғи азық қоры шектеулі болатын кезеңде бақ құстарын қолдау мен биоалуантүрлілікті сақтаудың маңызды бөлігіне айналды.
Көктем жақындап қалды, Алматыда тұрақты оң температура орнады, сондықтан өткен аптада ботаникалық бақта осы маусымдағы құстарды қоректендірудің қорытынды кезеңі өтті. Аталған жұмыс, Жасыл Рейнджер Клубының көптеген бастамалары сияқты, экологиялық мәдениетті қалыптастыруға және тірі табиғатқа ұқыпты қарауға бағытталған бастамаларды біріктіретін «Таза Қазақстан» жалпыұлттық акциясының құндылықтары мен міндеттерін көрсетеді.
Жасыл Рейнджер Клубы – ботаникалық бақ біріктірген пікірлес жандардың қауымдастығы. Клуб кездесулерінің форматы биолог-ғалымдардың дәрістерін, экология саласындағы сарапшылармен кездесулерді, сондай-ақ Бас Ботаникалық бақ аумағында практикалық көмекті қамтиды.
Еріктілердің ботаникалық баққа көмегі тек қыста ғана маңызды емес. Қазір көктем мезгілінде – бақты санитарлық тазалау, сенбіліктер өткізу және коллекциялық учаскелердегі топырақты отырғызуға дайындау кезеңінде – Жасыл рейнджерлермен бірлескен басқа да акциялар жоспарлануда.
Ботаникалық бақтың ерікті-достарына көмегі мен қоршаған ортаға жауапкершілікпен қарағаны үшін алғысымызды білдіреміз. Жасыл Рейнджер Клубының қатысушысы болғысы келетін кез келген адам профильде көрсетілген сілтеме арқылы Telegram желісіндегі ақпараттық топқа қосыла алады. Еріктілік акциялары, дәрістер мен эко-еріктілерге арналған шеберлік сабақтарының барлық хабарландырулары осы топта жарияланады.
