Бас ботаникалық бағы, Қазақстандағы АҚШ дипломатиялық миссиясы және Chevron компаниясы арасында құрылған "Жас ғалымдар мектебі" жобасының қатысушылары жазғы демалысты қызықты әрі танымды өткізуді жалғастыруда. Толығырақ…
Екі айлық сабақ барысында олар ботаниканың таңғажайып әлеміне еніп, өздерін ғалым ретінде сынап көрді және көптеген жаңа ақпаратты білді. Бүгін біз зертхана меңгерушісі, ауыл шаруашылығы ғылымдарының кандидаты Мурзатаева Таңсара Шаяхметқызының жетекшілігімен "Семенной банк" зертханасында өткізілетін сабақтар туралы айтып береміз.
Осы сабақтарға қатысатын қатысушыларға табиғи флораның Тұқымдық банкіне барудың және өсімдік үлгілерін жинаудан бастап, сақтау үшін тоңазытқыш камераларына орналастыруға дейінгі жұмыс процестерімен танысудың ерекше мүмкіндігі болды. Сонымен қатар, олар барлық процестерге қатыса алды! Жас ғалымдар Ботаникалық бақ аумағында тұқым жинаумен айналысты, тазартты, кептірді, олардың массасы мен өнгіштігін анықтады, биометриялық өлшеулер жүргізді және тұқымдардың морфологиялық ерекшеліктерін сипаттады. Олар тұқымдардың алуан түрлілігі, олардың пісетін уақыты туралы білді, жемістер мен тұқымдармен гүлшоғырларды кесуді үйренді. Сондай-ақ, жоба қатысушылары қарапайым келушілерге кіру жабық болатын жабық коллекциялық учаскелерде болды. Мұндай зерттеу учаскелеріне мыналар жатады: альпинарий бақшасы, ашық жердегі гүлді-сәндік өсімдіктер учаскесі, дәрілік өсімдіктер учаскесі.
Жоба қатысушыларын әлі де қызықты жұмыс күтіп тұр. Оқушылар тұқымдарды дайындау және сақтауға қоюмен айналысуды жалғастырады, тұқымдар каталогымен жұмыс істейді, Гербарий қорында болады және Бас Ботаникалық бақтың экспозицияларымен танысады.
Жас ғалымдарға сәттілік пен қызықты іс-шаралар тілейміз!
Естеріңізге сала кетейік, бұл жоба "Фитоинтродукция және ботаника институты" РМК-ның 90 жылдығын мерекелеу аясында іске қосылды, оның қызметінің маңызды бөлігі білім беру, ағартушылық қызмет және ғылымды дәріптеу болып табылады.
