Көптеген мамандар, ұйымдар мен қоғамдық бастамалар ғылымға, зерттеулерге және кәсіби сараптамаға сүйенбей, көгалдандыру саласындағы кез келген бастамалар уақытша және тиімсіз болып қалатынын түсінеді. Толығырақ...
Осы сұранысқа жауап ретінде және жүйелі ғылыми жұмыстың жалғасы ретінде Ботаника және фитоинтродукция институты Қазақстан қалаларында тұрақты әрі ғылыми негізделген көгалдандыруды дамытуға бағытталған жаңа әлеуметтік және білім беру жобасы — «GREEN SCIENCE KZ» жобасын іске қосады.
Жоба 2026 жылдың қаңтарынан қазанына дейін Шеврон компаниясының қолдауымен және «Ecoforming» экология және білім беру қоры» қоғамдық қорымен бірлесіп жүзеге асырылады. Жобаның негізгі мақсаты — ғылыми негізделген көгалдандыру қағидаттарын табиғи шешімдердің іргетасы ретінде енгізу.
Қазақстанда көгалдандыру тек ботаник-ғалымдар ұсынатын білім мен ғылыми зерттеу нәтижелеріне сүйенген жағдайда ғана тиімді бола алады. Ғылыми негізделген тәсіл — жыл сайын қурап қалатын «шыбықтарға» миллиардтаған теңге жұмсауды тоқтатып, біздің климатқа бейімделген, ұзақ өмір сүретін, көлеңкелі саябақтар мен ормандарды қалыптастырудың және ауа сапасын нақты жақсартудың бірден-бір жолы.
«GREEN SCIENCE KZ» жобасы аясында ғылыми, білім беру және практикалық іс-шаралар кешені жоспарланған, оның ішінде:
- мамандарды даярлау: ерекше қорғалатын табиғи аумақтар қызметкерлері үшін тиімді коммуникациялар бойынша оқыту семинарларын өткізу, сондай-ақ Батыс Қазақстан қалаларында өсімдік түрлерін дұрыс таңдау және күтіп-баптау мәселелері бойынша көгалдандырумен айналысатын компаниялар, коммуналдық қызметтер мен жергілікті атқарушы орган өкілдеріне арналған тренингтер ұйымдастыру;
- практикалық іс-шаралар: Ұлытау облысында жергілікті қауымдастықтарды болашақ көгалдандыру үшін отырғызу материалын өсіруге тарту мақсатында пилоттық жоба ретінде практикалық тренингтер мен қоғамдық іс-шаралар өткізу;
- ғылыми негіз және ағартушылық жұмыс: Институт әзірлеген көгалдандыруға ұсынылатын өсімдіктер ассортиментінің каталогтарын шығару және ілгерілету, сондай-ақ отырғызу бойынша ұсынымдарды кеңінен тарату;
- серіктестік: мемлекеттік органдармен (ҚР Экология және табиғи ресурстар министрлігінің Орман шаруашылығы және жануарлар дүниесі комитеті), жергілікті атқарушы органдармен ынтымақтастық орнату және қауымдастықтарды, мектептер мен ҮЕҰ-ды тарту.
«GREEN SCIENCE KZ» жобасы ғылыми білімді нақты практикалық шешімдерге айналдыратын тиімді алаң болуды мақсат етеді.
